ذات حيــدردن گؤرونـدي عالمــه آثــار حــق |
|
شعله چكدي گون تكين هر ذرره دن انوار حق |
نطق آنين كنت كنزاٌ بـابـيـنـه مفتـاح غــيـب |
|
آندان اولدي كایناته معني ده اظهـارحق |
رهبر راه علي العرش استوي دور مرتضي |
|
هادي معراج احمد، محـرم اســـرار حق |
سجده قيل صدقيله اول شـــاهين جمـال الهينه |
|
عارف آيـــات حــق اي عــاشــق ديـــــدار حق |
داستــان حـيــدر كــترّاري سؤيـلــر شوقـيــلن |
|
بو چمـنـده صد هـــزاران بولـبــول گلـزار حق |
كل مخلوقاته اولدورحول وقوّت، صوت نطق |
|
سؤيلــدي صدّق بو قولـــه صادق اخبــــار حق |
هر امانت كي قبول ائتـدين خيانت قيلـــما كيم |
|
خائيني بر دار ائـدر اول شحنـهٔ بـــازار حق |
مصطفــي و مرتضي نين آلـيــنه اولاديـــــنه |
|
كيم يار اولــدي ايكي عالــمده اولــدي يـار حق |
«همتي» مردانه دور عهد السته محكم اول |
|
حق ازل قالوا بلي ده ائـيلدين اقــــرار حق |
عشقيلن بو عرصه ده ميدان اري دير همتي |
|
مشرك و منكرلرين باغرين اريدير همتي |
خارجي و ناصبي، مرواني و مشرك دئييل |
|
تابع آل علي، حق لشكريدور همتي |
نور آلميش خاك پاييندن بصيرت اهليدور |
|
پيرو شاه ولايت حيدري دور همتي |
اتحادي و حلولي، فلسفي دن دور ائدن |
|
نطقوي دن هم حروفي دن بري دور همتي |
پيشواسي، رهنماسي، رهبري اثني عشر |
|
قول و فعلي حقه لايق "جعفري" دور همتي |
ای ساچون وصفی شب قدر و رخون بدر منیر |
|
خلق ایچینده بی بدل سن، حسن ایچینده بی نظیر |
عشقیلن یولداش اولوب حسن اقلیمین گزدیم تامام |
|
دهر آرا گلمز اله، سن تک نگار دلپذیر |
عارضون فردوس، اوْنا خال و خطون حور و ملک |
|
شمه کوثر دهانون، لبلریندیر شهد و شیر |
پیچ طره ندن مگر بیر عقده آچمیش باد صبح |
|
گرد عطریندن اوْنون دوتدو هوا بوی عبیر |
«همتی» شول زلفی چوگان دلربانین عشقینه |
|
عاشیقه بو عرصه ده باش اوْیناماقدور ناگزیر |
ظاهر ائتدی عارضی دؤرونده تا اول ماه خط |
|
قتلینه بو خیل عشاقین گتیردی آه خط |
آه کیم اهل نظر آئینه سین دوتدو غبار |
|
چکدی اول مه صفحهٔ رخسارینه ناگاه خط |
آرتدی سودای جنونیم سبزهٔ خطون گؤروب |
|
ائیلدی من بیدل و دیوانه نی گمراه خط |
اهل عشقی هر بیری بیرطوریلن ائیلر هلاک |
|
اه چشم و گاه ابرو، گاه خال و گاه خط |
لوح محفوظ الهی دیر حبیبین صورتی |
|
««همتی» درک ائیله اول لوح اوزره بسم الله خط |
دیوان مولانا همتی انگورانی بر اساس نسخه خطی کتابخانه مرکزی دانشگاه تهران، به تصحیح محمدرضا باغبان کریمی، تهران، چاپ دوم، انتشارات تکدرخت، 1390.