| ذات حيــدردن گؤرونـدي عالمــه آثــار حــق |
|
شعله چكدي گون تكين هر ذرّه‌دن انوار حق |
| نطق آنين كنت كنزاً بـابـيـنـه مفتـاح غــيـب |
|
آندان اولدي كایناته معني ده اظهـار حق |
| رهبر راه علي العرش استوي دور مرتضي |
|
هادي معراج احمد، محـرم اســـرار حق |
| سجده قيل صدقيله اول شـــاهين جمـال اللّهينه |
|
عارف آيـــات حــق اي عــاشــق ديـــــدار حق |
| داستــان حـيــدر كــرّاري سؤيـلــر شوقـيــلن |
|
بو چمـنـده صد هـــزاران بولـبــول گلـزار حق |
| كل مخلوقاته اولدور حول و قوّت، صوت و نطق |
|
سؤيلــدي صدّق بو قولـــه صادق اخبــــار حق |
| هر امانت كي قبول ائتـدين خيانت قيلـــما كيم |
|
خائيني بر دار ائـدر اول شحنـهٔ بـــازار حق |
| مصطفــي و مرتضي نين آلـيــنه اولاديـــــنه |
|
كيم يار اولــدي ايكي عالــمده اولــدي يـار حق |
| «همتي» مردانه دور عهد السته محكم اول |
|
حق ازل قالوا بلي ده ائـيلدين اقــــرار حق |
| عشقيلن بو عرصه ده ميدان اري دير همتي |
|
مشرك و منكرلرين باغرين اريدير همتي |
| خارجي و ناصبي، مرواني و مشرك دئييل |
|
تابع آل علي، حق لشكريدور همتي |
| نور آلميش خاك پاييندن بصيرت اهليدور |
|
پيرو شاه ولايت حيدري دور همتي |
| اتحادي و حلولي، فلسفي دن دور ائدن |
|
نقطوي دن هم حروفي دن بري دور همتي |
| پيشواسي، رهنماسي، رهبري اثني عشر |
|
قول و فعلي حقّه لايق "جعفري" دور همتي |
| ای ساچون وصفی شب قدر و رخون بدر منیر |
|
خلق ایچینده بی بدل سن، حسن ایچینده بی نظیر |
| عشقیلن یولداش اولوب حسن اقلیمین گزدیم تامام |
|
دهر آرا گلمز اله، سن تک نگار دلپذیر |
| عارضون فردوس، اوْنا خال و خطون حور و ملک |
|
شمه کوثر دهانون، لبلریندیر شهد و شیر |
| پیچ طرّه‌ندن مگر بیر عقده آچمیش باد صبح |
|
گرد عطریندن اوْنون دوتدو هوا بوی عبیر |
| «همتی» شول زلفی چوگان دلربانین عشقینه |
|
عاشیقه بو عرصه‌ده باش اوْیناماقدور ناگزیر |
| ظاهر ائتدی عارضی دؤرونده تا اول ماه خط |
|
قتلینه بو خیل عشاقین گتیردی آه خط |
| آه کیم اهل نظر آئینه‌سین دوتدو غبار |
|
چکدی اول مه صفحهٔ رخسارینه ناگاه خط |
| آرتدی سودای جنونیم سبزهٔ خطون گؤروب |
|
ائیلدی من بیدل و دیوانه‌نی گمراه خط |
| اهل عشقی هر بیری بیر طور ایلن ائیلر هلاک |
|
گاه چشم و گاه ابرو، گاه خال و گاه خط |
| لوح محفوظ الهی دیر حبیبین صورتی |
|
«همتی» درک ائیله اول لوح اوزره بسم الله خط |
دیوان مولانا همتی انگورانی بر اساس نسخه خطی کتابخانه مرکزی دانشگاه تهران، به تصحیح محمدرضا باغبان کریمی، تهران، چاپ دوم، انتشارات تکدرخت، 1390.
