27.06.07, kl. 00:58
Å normere vil seie å fastsetje skrivemåten for eit ord eller namn. Ord som «er normerte», er ord som har fått fastsett skrivemåte i godkjende ordlister.
Når ein skal fastsetje skrivemåten for stadnamn, finst det ulike prinsipp å byggje på:
1. Skrivemåten bør så langt råd gje att dialektuttalen.
2. Skrivemåten bør vere ordhistorisk (etymologisk) riktig, dvs. mest mogleg i samsvar med den historiske formen av namnet.
3. Skrivemåten bør vere tradisjonell, dvs. at ein bør halde seg til den skrivemåten som har vore brukt før, ev. den vanlegaste skrivemåten, dersom fleire har vore brukt.
4. Skrivemåten bør følgje gjeldande rettskriving. Det lèt seg ikkje gjere å sameine alle desse prinsippa fullt ut, og det er derfor nødvendig å velje kva for omsyn som skal vege tyngst.